Toe ek op Bybelskool was, was daar ‘n dosent uit Suid-Afrika wat geweier het om Engels te praat en geen Nederlands gepraat het nie. Dit was my eerste kontak met Afrikaans. Hierdie week het ek deur Jacomien (my mees veraf geleë leser) ‘n Afrikaanse Bybel gekry.

Dit is heerlik om te lees. Veral vir ‘n skynheilige taalpuris soos ek.

Afrikaans is ‘n baie doeltreffende taal. “Jy praat soos jy skryf,” en op ‘n geringe

klankverskuiwing na is dit gelyk aan Nederlands. Daar bestaan sommige klein verskille maar 95% van Afrikaanse woorde het ‘n Nederlandse oorsprong. Volgens die ou Suid-Afrikaanse grondwet (van 1910 sowel as 1963) is Afrikaans gelyk aan Nederlands. Dit is ‘n soort dialek maar tog ook weer nie.

Afrikaans is maklik om te leer. Behalwe vir ‘n paar leenwoorde soos “baie” wat “erg, heel, veel” in Nederlands beteken, is dit ‘n vereenvoudiging van Nederlands en daar is iets voor te sê. Volgens http://www.afrikaans.nu is dit die Engelse manier van Nederlandse taalgebruik. Engels is wat grammatika betref maklik om aan te leer en Afrikaans dus ook. Beslis in vergelyking met oorspronklike Dietse tale: Nederlands en Duits.

Nederlands en Duits is ook nie ver van mekaar af nie hoewel daar deur klankverskuiwings twee verskillende tale ontstaan het. Die grammatika is ook baie verskillend. Duits (of in elk geval die grammatika) is selfs vir Duitsers onverstaanbaar, wat nog te sê vir ‘n 14-jarige skoolkind wat die naamvalle moet leer.

Afrikaans het die volgende grammatikale afwykings: Klik naar wikipedia

Afrikaans was ‘n tyd lank ‘n dialektaal wat deur blanke boere gepraat is. Dat bogenoemde dosent nie Engels wou praat nie, is vanselfsprekend as jy jou verdiep in die Afrikaner se geskiedenis. Afrikaans het vermeng geraak met Engels en inheemse tale en het so afgewyk van die weë wat Nederlands en Duits ingeslaan het.

Ek pleit daarvoor om die Afrikaners se voorbeeld te volg en ons taal te vereenvoudig. Die MSN-gebruikers wat nie Nederlands magtig is nie en ‘n soort webdialek praat, sal daarby baat vind. Alles word eenvoudiger as jy alles skryf soos wat jy praat.

Ook ek sal my dan nie hoef te skaam vir d/t-foute in my blog nie.

Ek is darem maar ‘n egoïs!